மார்க்கம் நகரில் இடம்பெற்ற வாகன விபத்தொன்றில் மோட்டார் சைக்கிள் ஓட்டுநர் ஒருவர் கடுமையான காயங்களுக்கு உள்ளாகியுள்ளார்.
வூட்வைன் அவென்யூ (Woodbine Avenue) மற்றும் ஜோன் வீதிக்கு (John Street) அருகில், நேற்று மாலை 6:30 மணிக்குப் பின்னர் மோட்டார் சைக்கிள் ஒன்றும் லொறி (Truck) ஒன்றும் ஒன்றுடன் ஒன்று மோதி விபத்துக்குள்ளாகியுள்ளதாக யோர்க் பிராந்திய பொலிஸார் (York Regional Police) தெரிவித்துள்ளனர்.
இந்த விபத்தில் மோட்டார் சைக்கிளைச் செலுத்திய வயதுவந்த ஆடவர் ஒருவர் படுகாயமடைந்த நிலையில், வைத்தியசாலையில் அனுமதிக்கப்பட்டுள்ளதாகப் பொலிஸார் குறிப்பிட்டுள்ளனர்.
இவ்விபத்து ஏற்படுவதற்குக் காரணமான சூழ்நிலைகள் என்ன என்பது உடனடியாகத் தெரியவரவில்லை.
விசாரணைகளை முன்னெடுப்பதற்காக அப்பகுதியின் வீதிகள் தற்காலிகமாக மூடப்பட்டுள்ளதாகப் பொலிஸார் மேலும் தெரிவித்துள்ளனர்.
