வின்னிபெக் மிரட்டிப் பணம் பறித்தல் விவகாரம்; ரொறன்ரோவில் ஒருவர் கைது, மற்றுமொரு சந்தேகநபருக்கு வலைவீச்சு

வின்னிபெக் நகரில் இடம்பெற்ற மிரட்டிப் பணம் பறித்தல் தொடர்பான விசேட குற்றப் புலனாய்வு விசாரணைகளுடன் தொடர்புடைய சந்தேகநபரொருவர் ரொறன்ரோவில் வைத்து கைது செய்யப்பட்டுள்ள அதேவேளை, இச்சம்பவத்துடன் தொடர்புடைய மற்றுமொரு நபர் தற்போதும் தலைமறைவாக உள்ளதாக வின்னிபெக் பொலிஸ் சேவை (Winnipeg Police Service) தெரிவித்துள்ளது.

பொலிஸாரின் உத்தியோகபூர்வ அறிவிப்பின்படி, தேடப்பட்டு வந்த சந்தேகநபரான 41 வயதுடைய ஜேர்மைன் வீக்ஸ் (Jermaine Weekes) என்பவர், ரொறன்ரோ பொலிஸ் சேவையின் (Toronto Police Service) விசேட உதவியுடன் கடந்த மே மாதம் முதலாம் திகதி கைது செய்யப்பட்டுள்ளார்.

வின்னிபெக் மிரட்டிப் பணம் பறித்தல் குற்றச்சாட்டுகளின் கீழ் தேடப்பட்டு வந்த ஜேர்மைன் வீக்ஸ் மீது பின்வரும் குற்றச்சாட்டுகள் பதிவு செய்யப்பட்டுள்ளன:

• மிரட்டிப் பணம் பறித்தல் தொடர்பான இரு குற்றச்சாட்டுகள் (Extortion x2)

கைது செய்யப்பட்ட சந்தேகநபர் வின்னிபெக் நகரிற்கு மீண்டும் அழைத்து வரப்பட்டுள்ளதுடன், அவர் தற்போதும் பொலிஸ் காவலில் வைக்கப்பட்டுள்ளார்.

இதேவேளை, இக் குற்றச்சாட்டுகளுடன் தொடர்புடைய 29 வயதுடைய பர்ஹான் நபில் (Farhan Nabil) என்ற மற்றொரு சந்தேகநபர் தற்போதும் பொலிஸாரால் தீவிரமாகத் தேடப்பட்டு வருகிறார். அவர் மீது பின்வரும் பாரதூரமான குற்றச்சாட்டுகள் சுமத்தப்பட்டுள்ளன:

• தீவைப்புச் சம்பவங்களை மேற்கொள்வதற்கான கூட்டுச் சதி (Conspiracy to Commit an Indictable Offence – Arson x2)

• மிரட்டிப் பணம் பறிப்பதற்கான கூட்டுச் சதி (Conspiracy to Commit an Indictable Offence – Extortion x2)

இவ்விவகாரம் குறித்த மேலதிக விசாரணைகளைப் பொலிஸாரின் ‘பாரிய குற்றப் புலனாய்வுப் பிரிவு’ (Major Crimes Unit) தொடர்ந்து முன்னெடுத்து வருகின்றமை குறிப்பிடத்தக்கது