மரண தண்டனை விதிக்கப்பட்ட சிவராச அனோஜனை விடுவிப்பதற்காக, அந்நாட்டின் உச்ச நீதிமன்றத்தில் மேல்முறையீடு செய்யும் செயல்முறையை ஆய்வு செய்வதற்காக, ஒரு இலங்கைத் தூதுக்குழு அடுத்த செவ்வாய்க்கிழமை சவூதி அரேபியாவுக்குப் புறப்பட உள்ளது.
இதற்காக, நாடாளுமன்ற உறுப்பினர் சட்டத்தரணி ஃபைசர் முஸ்தபா, ஜனாதிபதி சட்ட ஆலோசகர் உபுல் குமாரப்பெரும மற்றும் சட்டமா அதிபர் திணைக்களத்தைச் சேர்ந்த ஓர் அதிகாரி உட்பட 5 பேர் கொண்ட குழு புறப்பட உள்ளது.
அந்நாட்டின் மேல்முறையீட்டு நீதிமன்றம் தற்போது சிவராச அனோஜனுக்கு மரண தண்டனை விதித்துள்ளதுடன், உச்ச நீதிமன்றத்தில் மேல்முறையீடு செய்யலாம் என்றும் தெரிவிக்கப்பட்டுள்ளது.
சட்ட நடவடிக்கைகள் குறித்து சவூதி அரேபிய வழக்கறிஞர்களுடன் கலந்துரையாடி, சரியான முறையில் மேல்முறையீட்டைச் சமர்ப்பிக்கத் திட்டமிட்டுள்ளதாக நாடாளுமன்ற உறுப்பினர் ஃபைசர் முஸ்தபா தெரிவித்துள்ளார்.
முகநூலில் பதிவிட்ட ஒரு கருத்தில் மத நிந்தனை செய்ததாகக் குற்றம் சாட்டப்பட்ட சிவராச அனோஜனுக்கு மரண தண்டனை விதிக்குமாறு சவூதி அரேபிய மேல்முறையீட்டு நீதிமன்றம் சமீபத்தில் உத்தரவிட்டது.
அவருக்கு வழங்கப்பட்ட தண்டனையின் கடுமையைக் குறைப்பதற்காக ராஜதந்திரத் தலையீடு ஏற்கனவே மேற்கொள்ளப்பட்டுள்ளதாக வெகுஜன ஊடகத்துறை அமைச்சர் நலிந்த ஜெயதிஸ்ஸ சமீபத்தில் தெரிவித்தார்.
