கனடாவின் மிசிசாகா (Mississauga) நகரில் உள்ள ‘ஹைவே 401’ (Highway 401) அதிவேக நெடுஞ்சாலையில் நள்ளிரவில் இடம்பெற்ற துப்பாக்கிச் சூட்டுச் சம்பவத்தை அடுத்து, ஒன்ராறியோ மாகாணப் பொலிஸார் (OPP) விசேட விசாரணைகளை ஆரம்பித்துள்ளனர்.
இவ்விசாரணைகள் காரணமாக வின்ஸ்டன் சர்ச்சில் புல்வர்ட் (Winston Churchill Blvd.) மற்றும் மேவிஸ் வீதி (Mavis Rd.) ஆகியவற்றுக்கு இடைப்பட்ட நெடுஞ்சாலையின் அனைத்து சேகரிப்புப் பாதைகளும் (Collector lanes) பல மணித்தியாலங்களாக முழுமையாக மூடப்பட்டிருந்தன. நள்ளிரவு 12:15 மணியளவில் இத் துப்பாக்கிச் சூட்டுச் சம்பவம் இடம்பெற்றதுடன், மூடப்பட்டிருந்த நெடுஞ்சாலைப் பாதைகள் இன்று காலை 7 மணியளவிலேயே போக்குவரத்திற்காக மீண்டும் திறக்கப்பட்டன.
துப்பாக்கிச் சூட்டிற்கு இலக்கான எஸ்.யு.வி (SUV) ரக ஆடம்பர காரொன்று, மிசிசாகாவிலுள்ள எரிபொருள் நிரப்பு நிலையமொன்றில் பலத்த துப்பாக்கிச் சூட்டுக் காயங்களுடன் (Bullet holes) நிறுத்தப்பட்டிருந்தமை காணக்கூடியதாக இருந்தது. நள்ளிரவு வேளையில் நெடுஞ்சாலையில் பயணித்துக் கொண்டிருந்த போதே இத் துப்பாக்கிப் பிரயோகம் மேற்கொள்ளப்பட்டதாகப் பொலிஸார் உறுதிப்படுத்தியுள்ளனர்.
